دليل شامل لأسباب تساقط الشعر وعلاجها قبل ما تزيد المشكلة

.اكيد فترة تحضيرات الفرح متعبة جدًا ومرهقة لأي عروسة بتقي عايزه كل حاجة تبقي مثالية

وده بيأثر عليكي بشكل ملحوظ علي شعرك تلاقي شعرك بيتساقط كتير

،متقلقيش كل ده طبيعي بس متسيبيش الموضوع يكبرمعاكي وتهمليه

،عشان شعرك ده تاجك وتكوني واثقة من نفسك يوم فرحك وتكوني أجمل عروسة

.وفي المقال ده هعرفك اهم اسباب التساقط وازاي تقدري تحليها

اسباب تساقط الشعر والعلاج

1-التوتر

،في البداية التوتر والضغط النفسي اهم سبب في تساقط الشعر أي ضغط أو قلق بيأثر على الجسم

ولازم الشعر بيكون من أول الحاجات اللي بتتأثر، وطبعًا التوتر بيخلي الشعريتساقط بشكل أسرع

.حاولي تقللي التوتر، وتنظمي يومك، وتنامي كويس، واقعدي فترة استرخاء بهدوء مع نفسك

2-سوء التغذية

.سوء التغذية دي اسوء حاجه مش بس لتساقط الشعر لكن بتأثر علي جسمك ومجهودك كمان

،نقص الفيتامينات والمعادن زي الحديد والزنك بيأثر على صحة الشعر

وبيخليه ضعيف وسهل يتساقط. خدي بالك ان الشعر محتاج تغذية كويسة علشان ينمو بشكل طبيعي

اهتمي بالأكل اللي فيه بروتين زي البيض، واللحوم، واللبن بالاضافة انك تزودي من الخضار والفواكه

لازم تشربي مياه بكميات كافية علي مدار اليوم علي الاقل 2 لتر ،

.وكمان ممكن تاخدي فيتامينات بعد استشارة دكتور طبعاً

3-تغيير الهرمونات

.تغير الهرمو نات بيحصل قبل البريود أو بعدها، أو مع تغيير في حياتك اليومية

،مع ذلك التغيرات الهرمونية بتأثر على كثافة الشعر وتسبب تساقط بشكل واضح

فلازم تروحي لدكتور وكمان عايزة اعرفك ان هرموناتك بتتغير بسبب سوء التغذية، والتوتر ده .سبب أساسي

.ولازم تاخدي بالك من النقطة دي اوي لأنها بتزود المشكلة

4-الحرارة والصبغات

الاستشوار والمكواة كمان بيضعفوا الشعر جدًا. الحرارة العالية بتفقد الشعر الترطيب الطبيعي وبتخليه يتكسر وكمان يتساقط .

بالاضافة كمان المواد الكيميائية في الصبغات بتضعف بصيلات الشعر بتخليها ضعيفة اوي

.حاولي تستخدمي صبغة طبيعية أو بدون أمونيا ،

وقللي استخدام الاستشوار، وكمان المكواة، وسيبي شعرك ينشف علي قد ماتقدري

ولو مضطرة تستخدمي حرارة استخدمي سيرم حرارة قبلها

5- مشاكل في فروة الرأس

مشاكل في فروة الرأس زي القشرة ودي بتعمل التهابات جامدة اوي ، وكمان بتأثر على بصيلات الشعر وبتضعفها اوي.

لازم تروحي لدكتور جلدية يساعدك في معرفة نوع القشرة وطريقة علاجها.

6- أسباب وراثية

،أسباب وراثية ودي بتكوني انتي عارفة السبب أي هو من البداية انه وراثة

.في نفس الوقت في أدوية كتير قدرت انها تحل المشكلة دي بس لازم تحت اشراف الطبيب طبعًا

هل محتوى المقال دة كان مفيد بالنسبة لك؟

لا!	نعم، مفيد!